సోదరాభిమానానికి ప్రతీకగా రక్షాబంధన్ వేడుకలు: మంత్రి సీతక్క
ప్రజాపక్షం/వైరా: రక్షాబంధన్ పర్వదినాన్ని పురస్కరించుకుని వైరా కాంగ్రెస్ నాయకుడు చెరుకూరి కిరణ్‌కు రాష్ట్ర మంత్రి సీతక్క రాఖీ కట్టి సోదరాభిమానాన్ని చాటుకున్నారు. ప్రతి సంవత్సరం కొనసాగుతున్న ఆత్మీయ సంప్రదాయాన్ని ఈ ఏడాది కూడా మంత్రి సీతక్క కొనసాగించారు. కిరణ్‌ను తన తోబుట్టువులాంటి తమ్ముడిగా భావిస్తానని, ప్రతి ఏడాది రక్షాబంధన్ సందర్భంగా ఆయనకు రాఖీ కడుతున్నానని మంత్రి సీతక్క తెలిపారు.రాఖీ కట్టిన అనంతరం మంత్రి సీతక్క చెరుకూరి కిరణ్‌కు రక్షాబంధన్ శుభాకాంక్షలు తెలిపారు. సోదరుడు–సోదరి మధ్య ప్రేమ, ఆప్యాయత, అనుబంధానికి రక్షాబంధన్ ప్రతీకగా నిలుస్తుందని ఆమె పేర్కొన్నారు. రాజకీయాలకు అతీతంగా తమ మధ్య కొనసాగుతున్న ఆత్మీయ అనుబంధం ఎంతో ప్రత్యేకమైనదని తెలిపారు.ఈ సందర్భంగా చెరుకూరి కిరణ్ మంత్రి సీతక్కకు సాంప్రదాయ పద్ధతిలో చీర, స్వీట్లు అందజేసి రక్షాబంధన్ శుభాకాంక్షలు తెలిపారు. మంత్రి సీతక్క తనకు రాఖీ కట్టడం ఎంతో ఆనందంగా ఉందని, ప్రతి ఏడాది ఈ ఆత్మీయత కొనసాగడం ప్రత్యేక అనుభూతిని కలిగిస్తుందని కిరణ్ పేర్కొన్నారు.రక్షాబంధన్ సందర్భంగా జరిగిన ఈ కార్యక్రమం ఆత్మీయ వాతావరణంలో జరిగింది. సోదరాభిమానాన్ని చాటుతూ మంత్రి సీతక్క, చెరుకూరి కిరణ్ పరస్పరం శుభాకాంక్షలు తెలుపుకున్నారు.ఈ కార్యక్రమంలో టీకే ప్రసన్న, సూతకాని ప్రేమ్‌చంద్, పులి కృష్ణార్జున్, డేవిడ్ సాయి తదితరులు పాల్గొన్నారు.
కామెంట్‌ను పోస్ట్ చేయండి