ఖమ్మం రూరల్, ఎదులాపురం వాట్సాప్ గ్రూపులు, స్టేటస్‌లలో బర్త్‌డే విషెస్ ట్రెండింగ్
వరంగల్ క్రాస్‌రోడ్డులో ఆకట్టుకుంటున్న భారీ హోర్డింగులు.. పురవీధుల్లో పండుగ సందడి
అభిమానుల నుంచి కార్యకర్తల వరకు.. కాంగ్రెస్ శ్రేణుల నుంచి ప్రజల వరకు వెల్లువెత్తుతున్న జన్మదిన శుభాకాంక్షలు
ప్రజాపక్షం/ఖమ్మం రూరల్: ఒక నాయకుడి జన్మదినం అభిమానులకు, కాంగ్రెస్ పార్టీ కార్యకర్తలు, నాయకులకు కేవలం ఓ తేదీ మాత్రమే కాదు.. తమ అభిమానాన్ని చాటుకునే ప్రత్యేక సందర్భం. అదే తరహాలో మంత్రి పొంగులేటి శ్రీనివాసరెడ్డి జన్మదినం ఖమ్మం రూరల్, ఎదులాపురం మున్సిపాలిటీ ప్రాంతాల్లో అభిమానుల ఉత్సాహానికి ప్రతీకగా నిలుస్తోంది. శుభాకాంక్షల సందేశాలు, ఆకర్షణీయమైన హోర్డింగులు, సోషల్ మీడియా పోస్టులతో బుధవారం అంతటా జన్మదిన సందడి నెలకొంది. అభిమానుల ఉత్సాహం, కార్యకర్తల సందడి, నాయకుల శుభాకాంక్షలతో మంత్రి జన్మదిన వేడుకలు ఓ పండుగను తలపిస్తున్నాయి.
రాష్ట్ర రెవెన్యూ, గృహ నిర్మాణ, సమాచార శాఖ మంత్రి పొంగులేటి శ్రీనివాసరెడ్డి జన్మదిన వేడుకలు ఖమ్మం రూరల్ ప్రాంతంలో పండుగ వాతావరణాన్ని తలపిస్తున్నాయి. ప్రజా నాయకుడిగా తనదైన గుర్తింపు సంపాదించుకున్న పొంగులేటి జన్మదినం సందర్భంగా అభిమానులు, పార్టీ కార్యకర్తలు, కాంగ్రెస్ నాయకులు, అనుచరులు పెద్ద ఎత్తున శుభాకాంక్షలు తెలియజేస్తున్నారు. దీంతో ఎక్కడ చూసినా జన్మదిన సందడి కనిపిస్తుండగా.. సామాజిక మాధ్యమాలు మంత్రి బర్త్‌డే విషెస్‌తో హోరెత్తుతున్నాయి.
వాట్సాప్ గ్రూపులు, స్టేటస్‌లలో విషెస్ వెల్లువ!
మంత్రి పొంగులేటి శ్రీనివాసరెడ్డి జన్మదినాన్ని పురస్కరించుకుని ఖమ్మం రూరల్ మండలంతోపాటు ఎదులాపురం మున్సిపాలిటీ పరిధిలోని వివిధ వాట్సాప్ గ్రూపుల్లో శుభాకాంక్షల సందేశాలు వెల్లువెత్తుతున్నాయి. వ్యక్తిగత స్టేటస్‌ల నుంచి గ్రూపుల వరకు ఎక్కడ చూసినా మంత్రి జన్మదిన శుభాకాంక్షలే దర్శనమిస్తున్నాయి. అభిమానులు తమ అభిమానాన్ని వినూత్నంగా చాటుకుంటూ రూపొందించిన ఫొటోలు, పోస్టర్లు, సందేశాలు ప్రత్యేక ఆకర్షణగా నిలుస్తున్నాయి. దీంతో సోషల్ మీడియాలో మంత్రి బర్త్‌డే సందడి ట్రెండింగ్‌గా మారింది.
హోర్డింగులతో హడావుడి.. పురవీధుల్లో పండుగ కళ!
జన్మదిన వేడుకల నేపథ్యంలో వరంగల్ క్రాస్‌రోడ్డులో ఏర్పాటు చేసిన ఆకర్షణీయమైన హోర్డింగులు ప్రత్యేకంగా చూపరులను ఆకట్టుకుంటున్నాయి. పలు కూడళ్లు, ప్రధాన రహదారులు, పురవీధులు జన్మదిన శుభాకాంక్షల ఫ్లెక్సీలు, బ్యానర్లతో సందడిగా మారాయి. తమ అభిమాన నాయకుడికి జన్మదిన శుభాకాంక్షలు తెలియజేసేందుకు అభిమానులు, పార్టీ శ్రేణులు పోటీపడుతుండటంతో ప్రాంతమంతా పండుగ కళ సంతరించుకుంది.
సేవలను కొనియాడుతూ ప్రత్యేక సందేశాలు!
కేవలం శుభాకాంక్షలకే పరిమితం కాకుండా.. మంత్రి పొంగులేటి సేవలను కొనియాడుతూ అభిమానులు తమదైన శైలిలో సందేశాలు, కొటేషన్లు రూపొందిస్తున్నారు. ప్రజలతో మమేకమయ్యే నాయకత్వం, ప్రజా సమస్యలపై స్పందించే తీరు, సేవా కార్యక్రమాల ప్రస్తావనతో రూపొందిస్తున్న పోస్టర్లు నెటిజన్లను ఆకట్టుకుంటున్నాయి. ఒక్కొక్కరు ఒక్కో రీతిలో తమ అభిమానాన్ని వ్యక్తం చేస్తుండటంతో జన్మదిన వేడుకలకు మరింత ప్రత్యేకత చేకూరుతోంది.
إرسال تعليق