గట్ల గౌరారం శివారులో పేకాట స్థావరంపై పోలీసుల దాడి.. 20 మంది అరెస్ట్

 

రూ.45,220 నగదు, 10 ద్విచక్ర వాహనాలు, ఆటో, ఇన్నోవా కారు స్వాధీనం

ప్రజాపక్షం/ఎర్రుపాలెం: ఖమ్మం జిల్లాలోని యెర్రుపాలెం మండలం గట్ల గౌరారం గ్రామ శివారులో పేకాట ఆడుతూ బెట్టింగ్ నిర్వహిస్తున్న స్థావరంపై పోలీసులు దాడి చేశారు. ఈ దాడిలో పేకాట ఆడుతున్న 20 మందిని పోలీసులు అదుపులోకి తీసుకున్నారు. వారి వద్ద నుంచి నగదుతో పాటు పలు వాహనాలను స్వాధీనం చేసుకున్నారు. మధిర రూరల్ సీఐ సమాచారం మేరకు యెర్రుపాలెం ఎస్‌ఐ ఎం. రమేష్ కుమార్ ఆధ్వర్యంలో పోలీసు సిబ్బంది గట్ల గౌరారం గ్రామ శివారులో పేకాట స్థావరంపై దాడి నిర్వహించారు. అక్కడ పేకాట ఆడుతూ బెట్టింగ్ నిర్వహిస్తున్న 20 మందిని గుర్తించి అదుపులోకి తీసుకున్నారు. ఈ సందర్భంగా నిందితుల వద్ద నుంచి రూ.45,220 నగదును పోలీసులు స్వాధీనం చేసుకున్నారు. అలాగే పేకాట స్థావరం వద్ద ఉన్న 10 ద్విచక్ర వాహనాలు, ఒక ఆటో, ఒక ఇన్నోవా కారును స్వాధీనం చేసుకున్నట్లు పోలీసులు తెలిపారు. పేకాట, బెట్టింగ్ కార్యకలాపాలపై చట్ట ప్రకారం చర్యలు తీసుకుంటామని పోలీసులు పేర్కొన్నారు. ఈ ఘటనకు సంబంధించి కేసు నమోదు చేసి, తదుపరి చట్టపరమైన చర్యలు చేపట్టినట్లు యెర్రుపాలెం ఎస్‌ఐ ఎం. రమేష్ కుమార్ వెల్లడించారు. పేకాట, బెట్టింగ్ వంటి చట్టవిరుద్ధ కార్యకలాపాలకు పాల్పడితే చట్ట ప్రకారం చర్యలు ఎదుర్కోవాల్సి ఉంటుందని పోలీసులు హెచ్చరించారు.