ప్రజాపక్షం/ఖమ్మం రూరల్: దసరా పర్వదినాన్ని పురస్కరించుకుని ఏదులాపురం మున్సిపాలిటీ పరిధిలోని జలగంనగర్ 4వ వార్డులో ఆయుధపూజ కార్యక్రమాన్ని ఘనంగా నిర్వహించారు. కాంగ్రెస్ పార్టీ నాయకుడు, రాడ్ బెండింగ్ మేస్త్రి మునగాల నాగయ్య (నాని) ఆధ్వర్యంలో జరిగిన ఈ కార్యక్రమంలో వృత్తిపరంగా వినియోగించే పనిముట్లకు ప్రత్యేక పూజలు నిర్వహించారు. దసరా పండుగ సందర్భంగా తమ వృత్తిలో ఉపయోగించే పనిముట్లను దైవస్వరూపంగా భావించి పూజించడం ఆనవాయితీగా వస్తోందని, ఈ సంప్రదాయంలో భాగంగా నాగయ్య తన సహచరులతో కలిసి ఆయుధపూజ నిర్వహించారు. ఈ కార్యక్రమంలో ఖమ్మం జిల్లా కాంగ్రెస్ నాయకులు భూక్యా సురేష్ నాయక్, మున్సిపాలిటీ నాయకులు బోయిన సాయి, అక్కినేపల్లి దేవయ్య చారి, రెబ్బగొండ్ల గోపీ యాదవ్, మహంకాళి కృష్ణ, నాగ తదితరులు పాల్గొన్నారు.
إرسال تعليق