AG New 24/7

  విద్యార్థి మృతిపై వామపక్ష విద్యార్థి సంఘాల ఆందోళన వార్డెన్, సంబంధిత అధికారిని సస్పెండ్ చేయాలని డిమాండ్ మృతుడి కుటుంబాన్ని ప్రభుత్వం ఆదుకోవాలని విజ్ఞప్తి ప్రజాపక్షం/ఖమ్మం : సంక్షేమ వసతి గృహాలు విద్యార్థులకు చదువుల నిలయాలుగా ఉండాలి కానీ, విద్యార్థుల ప్రాణాలు కోల్పోయే పరిస్థితులు నెలకొనడం ఆందోళనకరమని వామపక్ష విద్యార్థి సంఘాల నాయకులు అన్నారు. ఖమ్మం గాంధీచౌక్‌లోని బీసీ సంక్షేమ వసతి గృహంలో ఉంటూ ఇంటర్మీడియట్ ద్వితీయ సంవత్సరం చదువుతున్న అజయ్ మృతి ఘటనకు బాధ్యులైన వార్డెన్, సంబంధిత అధికారిని సస్పెండ్ చేయాలని డిమాండ్ చేశారు.  విద్యార్థి మృతిని నిరసిస్తూ  శనివారం ఖమ్మం ప్రభుత్వ ఆసుపత్రి మార్చురీ ఎదుట ఏఐఎస్ఎఫ్, ఎస్ఎఫ్ఐ, పీడీఎస్‌యూ తదితర వామపక్ష విద్యార్థి సంఘాల ఆధ్వర్యంలో ధర్నా నిర్వహించారు. ఈ సందర్భంగా ఏఐఎస్ఎఫ్ రాష్ట్ర కార్యనిర్వాహక అధ్యక్షుడు ఇటికాల రామకృష్ణ మాట్లాడుతూ.. రెండు రోజులుగా అనారోగ్యంతో బాధపడుతున్న విద్యార్థి ఆరోగ్య పరిస్థితిపై వసతి గృహం నిర్వాహకులు తగిన శ్రద్ధ చూపకపోవడమే ఈ ఘటనకు కారణమని ఆరోపించారు. విద్యార్థి ఆరోగ్య పరిస్థితిని ముందుగానే గుర్తించి మెరుగైన వైద్యం అందించ...

  గ్రాడ్యుయేట్ ఎమ్మెల్సీ ఎన్నికల్లో రాకేష్ రెడ్డి గెలుపునకు సమష్టిగా కృషి చేయాలి బీఆర్ఎస్ శ్రేణులకు మాజీ ఎంపీ నామ నాగేశ్వరరావు పిలుపు ప్రజాపక్షం/బోనకల్: రాష్ట్రంలో రైతులు, రైతు కూలీలు, విద్యార్థులు, సామాన్య ప్రజలు ఎదుర్కొంటున్న సమస్యలపై కాంగ్రెస్ ప్రభుత్వాన్ని నిలదీయాలని ఖమ్మం మాజీ ఎంపీ, బీఆర్ఎస్ మాజీ లోక్‌సభ పక్ష నేత నామ నాగేశ్వరరావు పార్టీ శ్రేణులకు పిలుపునిచ్చారు. రాబోయే గ్రాడ్యుయేట్ ఎమ్మెల్సీ ఎన్నికల్లో బీఆర్ఎస్ అభ్యర్థి ఏనుగుల రాకేష్ రెడ్డి విజయానికి నాయకులు, కార్యకర్తలు ఐక్యంగా కృషి చేయాలని కోరారు.  శనివారం బోనకల్ మండల కేంద్రంలోని ఓ ప్రైవేట్ ఫంక్షన్ హాల్‌లో బోనకల్, చింతకాని, ముదిగొండ మండలాల బీఆర్ఎస్ నాయకులు, కార్యకర్తల సమావేశం నిర్వహించారు. మాజీ జడ్పీ చైర్మన్ లింగాల కమల్‌రాజు అధ్యక్షతన జరిగిన ఈ సమావేశంలో నామ నాగేశ్వరరావు మాట్లాడుతూ.. గత బీఆర్ఎస్ ప్రభుత్వ హయాంలో కేసీఆర్ రైతుబంధు, నాణ్యమైన విద్యుత్, ఎరువులు, సాగునీటి సదుపాయాలు కల్పించారని పేర్కొన్నారు. ప్రస్తుతం రైతులు యూరియా కోసం ఇబ్బందులు పడుతున్నారని, యాప్‌లో నమోదు చేసుకోవాలనే నిబంధనలు వారి కష్టాలను మరింత పెంచుతున్నాయ...

    అడ్డుకోవడంతో చేతి వేళ్లు, ముఖానికి గాయాలు పోలీసుల అదుపులో నిందితుడు.. వైరాలో కలకలం ప్రజాపక్షం / వైరా:  వైరాలోని తెలంగాణ గ్రామీణ బ్యాంకు బ్రాహ్మణపల్లి శాఖలో మహిళా ఉద్యోగినిపై సహోద్యోగి కత్తితో దాడికి పాల్పడిన ఘటన శనివారం కలకలం రేపింది. పట్టపగలు బ్యాంకులోనే చోటుచేసుకున్న ఈ ఘటన స్థానికంగా చర్చనీయాంశంగా మారింది.  వివరాల్లోకి వెళితే.. తెలంగాణ గ్రామీణ బ్యాంకు బ్రాహ్మణపల్లి శాఖలో పిల్లి ప్రదీప్, తేజశ్రీ ఫీల్డ్ ఆఫీసర్లుగా విధులు నిర్వహిస్తున్నారు. ఈ క్రమంలో శనివారం మధ్యాహ్నం పిల్లి ప్రదీప్ తన సహోద్యోగి తేజశ్రీపై అకస్మాత్తుగా కత్తితో దాడికి పాల్పడ్డాడు. ఆమె గొంతుపై కత్తితో దాడి చేసేందుకు ప్రయత్నించగా, తేజశ్రీ తన చేతిని అడ్డుపెట్టుకోవడంతో చేతి వేళ్లతో పాటు ముఖానికి గాయాలయ్యాయి.  వెంటనే స్పందించిన వారు గాయపడిన తేజశ్రీని బ్యాంకు సమీపంలోని ప్రైవేట్ ఆసుపత్రికి తరలించి చికిత్స అందించారు. కాగా, సహోద్యోగినిపై కత్తితో దాడికి పాల్పడిన పిల్లి ప్రదీప్‌ను పోలీసులు అదుపులోకి తీసుకుని విచారిస్తున్నారు.  బ్యాంకులో విధులు నిర్వహిస్తున్న మహిళా ఉద్యోగినిపై తోటి ఉద్యోగి కత్తితో దాడ...

  ప్రజలకు మెరుగైన వైద్య సేవలు అందించడమే లక్ష్యం: మున్సిపల్ చైర్‌పర్సన్ డాక్టర్ కాపా చంద్రకళ ప్రజాపక్షం / వైరా: వైరా మున్సిపాలిటీ పరిధిలోని 100 పడకల ప్రభుత్వ ఆసుపత్రిలో ఏర్పాటు చేసిన ఆరోగ్య శిబిరాన్ని మున్సిపల్ చైర్‌పర్సన్ డాక్టర్ కాపా చంద్రకళ మురళీకృష్ణ ప్రారంభించారు.  ఈ సందర్భంగా ఆమె మాట్లాడుతూ ప్రజలకు మెరుగైన వైద్య సేవలు అందించడంలో ఆరోగ్య శిబిరాలు ఎంతగానో ఉపయోగపడతాయని పేర్కొన్నారు. ప్రజలు ఇలాంటి ఆరోగ్య శిబిరాలను సద్వినియోగం చేసుకోవాలని సూచించారు. ప్రభుత్వ ఆసుపత్రుల ద్వారా ప్రజలకు నాణ్యమైన వైద్య సేవలు అందించేందుకు వైద్యులు, సిబ్బంది కృషి చేయాలని అన్నారు.  ఈ కార్యక్రమంలో పీహెచ్‌సీ వైద్యులు డాక్టర్ బత్తినేని హర్ష, మార్కెట్ కమిటీ చైర్మన్ బొల్లా గంగారావు, మండల అధ్యక్షులు శీలం చంద్రశేఖర్ రెడ్డి, పొదిల హరినాథ్, కొల్లి రమేష్, మిట్టపల్లి శ్రీనివాసరావు, ఆనందరావు, బీక్యా తదితరులు పాల్గొన్నారు. ఆసుపత్రి వైద్యులు, సిబ్బంది హాజరయ్యారు.

  సామినేని రామారావు హత్య మిస్టరీని ఛేదించిన పోలీసులకు అభినందనలు ప్రజాపక్షం / వైరా: సామినేని రామారావు హత్య కేసులో పోలీసుల దర్యాప్తును కాంగ్రెస్ నాయకులు అభినందించారు. హత్య రాజకీయాల సంస్కృతి ఎవరిదో ప్రజలకు తెలుసని కాంగ్రెస్ వైరా మండల అధ్యక్షుడు శీలం చంద్రశేఖర్ రెడ్డి, రాష్ట్ర కిసాన్ కాంగ్రెస్ ఉపాధ్యక్షుడు దాసరి దానియేలు, మార్కెట్ కమిటీ చైర్మన్ బొల్లా గంగారావు, ఆత్మ కమిటీ చైర్మన్ మట్టూరి వెంకటేశ్వరరావు, జిల్లా డాక్టర్ సెల్ అధ్యక్షుడు కాపా మురళి అన్నారు.  ఉపముఖ్యమంత్రి భట్టి విక్రమార్కపై సీపీఎం నాయకులు చేస్తున్న ఆరోపణలు తప్పు అని వారు ఖండించారు. రామారావు హత్య వెనుక ఆర్థికపరమైన వ్యవహారాలు ఉన్నట్లు ప్రచారం జరుగుతోందని, పోలీసులు ఇప్పటికే కొంతమందిని అరెస్టు చేసి రిమాండ్‌కు పంపారని తెలిపారు. కేసు దర్యాప్తు కొనసాగుతున్నందున వాస్తవాలు వెలుగులోకి రావడానికి అందరూ పోలీసులకు సహకరించాలని కోరారు.  రామారావు హంతకులకు తగిన శిక్ష పడేలా, బాధిత కుటుంబానికి న్యాయం జరిగే వరకు కాంగ్రెస్ పార్టీ అండగా ఉంటుందని వారు పేర్కొన్నారు.  ఈ కార్యక్రమంలో మచ్చ వెంకటేశ్వరరావు (బుజ్జి), సర్పంచులు నూతి వెంకట...

బ్యూరో  ఏనుగు వెంకటేశ్వర్ ఆధ్వర్యంలో ఉత్సాహంగా ఖమ్మం జిల్లా సమావేశం ప్రజాపక్షం/ఖమ్మం రూరల్ : ఎదులాపురం మున్సిపాలిటీ పరిధిలోని 26వ వార్డులో గల ఐశ్వర్య కన్వెన్షన్ హాల్లో ప్రజాపక్షం ఖమ్మం జిల్లా విలేకరుల సమావేశం శనివారం నిర్వహించారు. ఈ కార్యక్రమం ఖమ్మం రూరల్ మండల రిపోర్టర్ బంక అశోక్ అధ్యక్షతన బ్యూరో ఏనుగు వెంకటేశ్వరరావు ఆధ్వర్యంలో జరిగింది. ఈ సందర్భంగా ప్రజాపక్షం దినపత్రిక బ్యూరో  మాట్లాడుతూ... ప్రజాపక్షం దినపత్రిక ప్రజలు ప్రభుత్వానికి మధ్య వారధిగా విశ్లేషణాత్మకమైన కథనాలు ప్రచురించాలని విలేఖరులకు సూచించారు. అలాగే ప్రజా సమస్యలపై తమదైన శైలిలో పదునైన కథనాలను అందివ్వాలన్నారు అలాగే 2027 కు సంబంధించిన క్యాలెండర్ పై రిపోర్టర్లతో సమాలోచన చేశారు. తొలుత ఖమ్మం నగర ఎడ్యుకేషన్ రిపోర్టర్ ఇంద్రసేనా బర్త్ డే వేడుకలను ఘనంగా నిర్వహించారు. ఈ కార్యక్రమంలో ఏడివిటీ మేనేజర్ ప్రసన్న , స్టాపర్లు ప్రసాద్, కృష్ణార్జున మండల రిపోర్టర్లు పాల్గొన్నారు.

  ఏడు వారాల స్వామివారి సన్నిధిలో భక్తుల ప్రత్యేక పూజలు.. భక్తిశ్రద్ధలతో దివ్య దర్శనం ప్రజాపక్షం/ఖమ్మం రూరల్  : ఆంధ్రప్రదేశ్‌లోని కోనసీమ జిల్లా వాడపల్లిలో వెలసిన శ్రీ వేంకటేశ్వర స్వామి బ్రహ్మోత్సవాలు భక్తజన సందోహం నడుమ వైభవంగా కొనసాగుతున్నాయి. ఏడు వారాల వేంకటేశ్వర స్వామిగా ప్రసిద్ధిగాంచిన స్వామివారి దర్శనం కోసం వివిధ ప్రాంతాల నుంచి భక్తులు పెద్ద సంఖ్యలో తరలివస్తున్నారు. ఈ క్రమంలో ఖమ్మం రూరల్ మండలం పొన్నెకల్లు గ్రామానికి చెందిన వరగాని శ్రీనివాసరావు ఆధ్వర్యంలోని భక్త బృందం శనివారం వాడపల్లి చేరుకుని స్వామివారిని భక్తిశ్రద్ధలతో దర్శించుకుని ప్రత్యేక పూజల్లో పాల్గొన్నారు.  ఈ సందర్భంగా భక్తులు మాట్లాడుతూ.. వాడపల్లి శ్రీ వేంకటేశ్వర స్వామివారి బ్రహ్మోత్సవాల్లో పాల్గొని స్వామివారి దివ్యమంగళ రూపాన్ని దర్శించుకోవడం ఎంతో పుణ్యప్రదమని, మనసుకు ప్రశాంతత, ఆధ్యాత్మిక ఆనందాన్ని కలిగించిందని పేర్కొన్నారు. కోరిన కోర్కెలు తీర్చే కలియుగ దైవంగా భక్తుల విశ్వాసాన్ని చూరగొన్న వాడపల్లి వేంకటేశ్వర స్వామివారి క్షేత్రానికి ఖమ్మం ప్రాంతం నుంచి కూడా నిత్యం భక్తులు పెద్ద సంఖ్యలో వస్తున్నారని తెలిపారు....

  తరగతి గదిలో ఊడిపడిన స్లాబ్ పెచ్చులు.. ఒకరికి తలకు గాయం, మరొకరికి కాలికి గాయం ప్రజాపక్షం/ బోనకల్: ఖమ్మం జిల్లా బోనకల్ మండల కేంద్రంలోని ఎస్సీ బాలికల గురుకుల పాఠశాలలో శనివారం ప్రమాదం చోటుచేసుకుంది. తరగతి గదిలో స్లాబ్ పెచ్చులు ఊడిపడి ఇద్దరు విద్యార్థినులు గాయపడ్డారు. చాపలమడుగు పూజిత (14) తలకు గాయాలు కాగా, అద్దంకి కీర్తన కాలికి గాయమైంది. గాయపడిన విద్యార్థినులను చికిత్స నిమిత్తం బోనకల్ ప్రాథమిక ఆరోగ్య కేంద్రానికి తరలించినట్లు సమాచారం. అక్కడ వైద్య సిబ్బంది పూజితకు కుట్లు వేసి చికిత్స అందించినట్లు తెలిసింది. విద్యార్థినులు చదువుకుంటున్న తరగతి గదిలోనే స్లాబ్ పెచ్చులు ఊడిపడటంతో పాఠశాల భవనం భద్రతపై ఆందోళన వ్యక్తమవుతోంది. విద్యార్థుల భద్రత దృష్ట్యా గురుకుల పాఠశాల భవనంలోని అన్ని తరగతి గదులను అధికారులు పరిశీలించి, అవసరమైన మరమ్మతులు చేపట్టాలని తల్లిదండ్రులు కోరుతున్నారు.

  భట్టి, ఖమ్మం సీపీ దిష్టిబొమ్మల దహనానికి పోలీసుల అడ్డంకులు ప్రజాపక్షం/చింతకాని: పాతర్లపాడు గ్రామానికి చెందిన సీపీఎం నేత సామినేని రామారావు హత్య కేసులో అసలు నిందితులను గుర్తించి వెంటనే అరెస్టు చేయాలని, కేసును తప్పుదోవ పట్టిస్తున్న ఖమ్మం పోలీస్ కమిషనర్ సునీల్ దత్‌ను తక్షణమే బదిలీ చేయాలని సీపీఎం నాయకులు డిమాండ్ చేశారు. ఈ కేసు విచారణకు ప్రత్యేక దర్యాప్తు బృందం (సిట్‌) ఏర్పాటు చేసి వాస్తవాలను నిగ్గు తేల్చాలని కోరారు. సీపీఎం చింతకాని మండల కమిటీ ఆధ్వర్యంలో మండల కేంద్రంలో డిప్యూటీ సీఎం మల్లు భట్టి విక్రమార్క, ఖమ్మం సీపీ సునీల్ దత్ దిష్టిబొమ్మలను దహనం చేసేందుకు నాయకులు ప్రయత్నించగా పోలీసులు అడ్డుకున్నారు. దీంతో పోలీసులకు, ఆందోళనకారులకు మధ్య వాగ్వాదం చోటుచేసుకుంది. ఈ సందర్భంగా సీపీఎం మధిర డివిజన్ కార్యదర్శి మడుపల్లి గోపాలరావు మాట్లాడుతూ.. ప్రజాస్వామ్యంలో ప్రజలు, రాజకీయ పార్టీలు తమ నిరసనను తెలిపే హక్కు కూడా లేదా అని ప్రశ్నించారు. రామారావు హత్య కేసులో అసలు నిందితులను పక్కనపెట్టి అమాయకులను నిందితులుగా చూపించడం అన్యాయమని ఆరోపించారు. ఢిల్లీలో రాహుల్ గాంధీ ఆధ్వర్యంలో రాంలీలా మైదానంలో ధర్నాలు నిర్వ...

అధికారిక కార్యక్రమంలో రాజకీయ వివాదంపై.. సిపిఐ కౌన్సిలర్ల ఆగ్రహం ఈ వ్యవహారంపై కమిషనర్ అల్లా శ్రీనివాస్ రెడ్డి తక్షణమే చర్యలు తీసుకోవాలని డిమాండ్  ప్రజాపక్షం/ఖమ్మం రూరల్:  ఎదులాపురం మున్సిపాలిటీలో ఇందిరమ్మ ఇళ్ల లబ్ధిదారులకు ప్రొసీడింగ్ పత్రాల పంపిణీ కార్యక్రమం రాజకీయ వివాదంతో రసాభాసగా మారింది. అధికారికంగా నిర్వహించిన ఈ కార్యక్రమంలో రాష్ట్ర రెవెన్యూ, గృహ నిర్మాణ, సమాచార శాఖ మంత్రి పొంగులేటి శ్రీనివాసరెడ్డి తొలుత లబ్ధిదారులకు ప్రొసీడింగ్ పత్రాలు పంపిణీ చేసి వెళ్లిపోయారు. అనంతరం 28, 30, 32వ వార్డుల్లో సంబంధిత సీపీఐ కౌన్సిలర్లు లబ్ధిదారులకు పత్రాలు పంపిణీ చేస్తున్న సమయంలో వివాదం చోటుచేసుకుంది. సీపీఐ ప్రాతినిధ్యం వహిస్తున్న వార్డుల్లో కౌన్సిలర్లు నిర్వహిస్తున్న పంపిణీ కార్యక్రమానికి స్థానిక కాంగ్రెస్ నాయకులు అడ్డంకులు సృష్టించడంపై సీపీఐ కౌన్సిలర్లు దండి రంగారావు, మామిండ్ల శ్రీనాథ్ రెడ్డి, దండి శ్రీజ అభ్యంతరం వ్యక్తం చేశారు. రాజ్యాంగబద్ధమైన పదవుల్లో ఉన్న కౌన్సిలర్లకు అధికారిక కార్యక్రమాల్లో తగిన ప్రాధాన్యత ఇవ్వాల్సి ఉండగా, రాజకీయ జోక్యంతో కార్యక్రమానికి ఆటంకాలు కలిగించడం ఏమిటని వారు ప...

  విలేకరుల సమావేశంలో ఖమ్మం రూరల్ విద్యుత్ శాఖ డీఈ చింతమల నాగేశ్వరరావు  ప్రజాపక్షం/ఖమ్మం రూరల్: అసంపూర్తిగా ఉన్న విద్యుత్ పనులకు బిల్లులు చెల్లించాలని ఒత్తిడి చేస్తూ, నిబంధనల ప్రకారం వ్యవహరించిన అధికారులపై కాంట్రాక్టర్ తప్పుడు ఆరోపణలు చేస్తున్నారని ఖమ్మం రూరల్ విద్యుత్ శాఖ డీఈ చింతమల నాగేశ్వరరావు పేర్కొన్నారు. పనులు పూర్తికాకుండానే బిల్లులు పెట్టాలన్న డిమాండ్‌కు అధికారులు అంగీకరించకపోవడంతో వారిని ఇబ్బందులకు గురిచేసేలా కాంట్రాక్టర్ వ్యవహరిస్తున్నారని ఆయన ఆరోపించారు.శుక్రవారం ఎదులాపురం మున్సిపాలిటీ పరిధిలోని 30వ వార్డులో ఉన్న ఖమ్మం రూరల్ సబ్ డివిజన్ కార్యాలయంలో నిర్వహించిన విలేకరుల సమావేశంలో డీఈ మాట్లాడారు...మంత్రి పొంగులేటి శ్రీనివాస్ రెడ్డి ఆదేశాల మేరకు ప్రజలకు విద్యుత్ సరఫరా పరంగా ఇబ్బందులు లేకుండా పెద్ద లైన్ మార్పు పనుల కోసం రూ.37 లక్షలతో అంచనాలు రూపొందించినట్లు తెలిపారు.ఈ పనుల్లో భాగంగా చిన్న వెంకటగిరిలో ఆరు టవర్లు, చిన్నతండాలో నాలుగు టవర్లు ఏర్పాటు చేయాల్సి ఉందన్నారు. వెంకటగిరిలో చేసిన పనులకు బిల్లులు కాంట్రాక్టర్కు ఎల్ఓసి అందించామన్నారు. కానీ చిన్నతండాలో రెండు టవర్లు మాత్...

  మూడు డివిజన్లలో ఇప్పటికే రూ.79 కోట్లతో అభివృద్ధి పనులు చేపట్టాం 46 సిమెంట్ రోడ్ల నిర్మాణానికి రూ.5 కోట్లతో శంకుస్థాపన ప్రజాపక్షం/ఖమ్మం రూరల్:  ఎదులాపురం మున్సిపాలిటీ అభివృద్ధికి రాబోయే రోజుల్లో మరో రూ.100 నుంచి రూ.150 కోట్ల వరకు నిధులు తీసుకొచ్చి ప్రతి డొంకను, ప్రతి రహదారిని సిమెంట్ రోడ్డుగా మారుస్తామని రాష్ట్ర రెవెన్యూ, గృహనిర్మాణ, సమాచార శాఖ మంత్రి పొంగులేటి శ్రీనివాసరెడ్డి హామీ ఇచ్చారు. అలాగే ప్రజా ప్రభుత్వం అధికారంలోకి వచ్చిన తర్వాత మున్సిపాలిటీలోని మూడు డివిజన్ల పరిధిలో ఇప్పటికే రూ.79.79 కోట్లతో వివిధ అభివృద్ధి కార్యక్రమాలకు శ్రీకారం చుట్టామని తెలిపారు. శుక్రవారం యెదులాపురం మున్సిపాలిటీ పరిధిలోని ఆరో వార్డులో  సుమారు రూ.5 కోట్ల వ్యయంతో 46 అంతర్గత సిమెంట్ రోడ్ల నిర్మాణ పనులకు శంకుస్థాపన చేశారు. ఈ సందర్భంగా మంత్రి మాట్లాడుతూ.. ఎదులాపురం మున్సిపాలిటీని రాష్ట్రంలోనే రోల్‌మోడల్ మున్సిపాలిటీగా తీర్చిదిద్దుతామని ఇచ్చిన మాట ప్రకారం అభివృద్ధి పనులకు నిధులు సమకూరుస్తున్నామన్నారు. ఈ మున్సిపాలిటీ విస్తీర్ణం ఎక్కువగా ఉండటంతోపాటు గత ప్రభుత్వం పట్టించుకోకపోవడంతో పాటు పలు గ్రామపంచ...

  మూడు రోజులుగా తాగునీటి కోసం గ్రామస్థుల అగచాట్లు బ్రిడ్జి నిర్మాణ పనులకు నీటి సరఫరాపై తీవ్ర విమర్శలు ప్రజాపక్షం / నేలకొండపల్లి:  గ్రామ ప్రజల గొంతు తడపడానికి నీళ్లు లేవు.. కానీ కాంట్రాక్టర్ నిర్మాణ పనులకు మాత్రం నీరు అందుతోంది! ఇదీ కోనాయిగూడెం పంచాయతీ పాలకవర్గం పనితీరుపై గ్రామస్థులు చేస్తున్న తీవ్ర ఆరోపణ. మూడు రోజులుగా గ్రామంలో తాగునీటి సరఫరా నిలిచిపోవడంతో ప్రజలు తీవ్ర ఇబ్బందులు పడుతున్నారు. ఇంటి అవసరాలకు నీరు లేక మహిళలు, వృద్ధులు అవస్థలు పడుతుంటే.. గ్రామంలో జరుగుతున్న బ్రిడ్జి నిర్మాణ పనులకు కాంట్రాక్టర్‌కు నీటిని ఎలా సరఫరా చేస్తున్నారంటూ స్థానికులు నిలదీస్తున్నారు. ప్రజలకు నీళ్లు లేవు.. కాంట్రాక్టర్‌కు ఎలా ఉన్నాయి? తాగునీటి సరఫరా నిలిచిపోవడంపై పంచాయతీ పాలకవర్గాన్ని ప్రశ్నిస్తే సరైన సమాధానం రావడం లేదని గ్రామస్థులు ఆవేదన వ్యక్తం చేస్తున్నారు. నీరు రోడ్డుపై వృథాగా పారుతున్నా పట్టించుకునే వారు లేరని, ప్రజలకు మాత్రం తాగునీరు అందించడం లేదని ఆరోపిస్తున్నారు. ఎల్‌నినో ప్రభావంతో నీటి ఎద్దడి ముప్పు పొంచి ఉన్న సమయంలో నీటిని పొదుపుగా వినియోగించాల్సిన బాధ్యత పంచాయతీపై లేదా? అని ప్రశ్నిస్...

ప్రజాపక్షం/నేలకొండపల్లి:  అఖిల భారత కిసాన్ సభ (ఏఐకేఎస్) జాతీయ మహాసభలను జయప్రదం చేయాలని సీపీఎం మండల కార్యదర్శి కె.వి. రామిరెడ్డి పిలుపునిచ్చారు. గురువారం మండలంలోని మండ్రాజుపల్లిలో సీపీఎం మండల కమిటీ ఆధ్వర్యంలో ఇంటింటి ప్రచారం నిర్వహించారు. నవంబర్ 15 నుంచి 18 వరకు నల్లగొండలో జరిగే మహాసభల్లో దేశవ్యాప్తంగా రైతు ప్రతినిధులు పాల్గొంటారని తెలిపారు. రైతులకు గిట్టుబాటు ధరలు కల్పించాలని, స్వామినాథన్ కమిషన్ సిఫారసులు అమలు చేయాలని డిమాండ్ చేశారు. రైతాంగ సమస్యలపై మహాసభల్లో చర్చించి భవిష్యత్తు ఉద్యమ కార్యాచరణ రూపొందిస్తారని పేర్కొన్నారు. మహాసభల ప్రచారంలో భాగంగా ఈ నేడు నేలకొండపల్లి మండలంలో నిర్వహించే భారీ బైక్ ర్యాలీని రైతులు, కార్యకర్తలు పాల్గొని విజయవంతం చేయాలని కోరారు. ఈ కార్యక్రమంలో పట్టణ కార్యదర్శి మందడపు మురళీకృష్ణ, బలుసు ప్రమీల, కాల్వ కోటేశ్వరరావు తదితరులు పాల్గొన్నారు.

  రైతులకు అదనపు ఖర్చుల భారం.. చేతికొచ్చిన పంటపై ఆందోళన ప్రజాపక్షం / నేలకొండపల్లి:  అర్నబ్ తుఫాన్ ప్రభావంతో ఈదురుగాలులకు వరి పంట నేలవాలడంతో రైతులకు అదనపు ఖర్చుల భారం పడుతోంది. చేతికొచ్చిన పంట నేలపాలు కావడంతో కంకులు నిలబెట్టేందుకు రైతులు కూలీలతో పనులు చేయిస్తున్నారు. మండలంలోని రాజేశ్వరపురంలో పలువురు రైతులకు చెందిన సుమారు 8 ఎకరాల వరి పంట నేలవాలింది. కూలీలకు రోజుకు రూ.350 చొప్పున చెల్లిస్తూ పనులు చేయిస్తున్నారు. అయినప్పటికీ పంటను పూర్తిగా నిలబెట్టగలమో లేదోనని రైతులు ఆందోళన చెందుతున్నారు. కోత సమయంలో ఇబ్బందులతో పాటు అదనపు ఖర్చులు భరించాల్సి వస్తోందని వాపోతున్నారు. ఖర్చులు పెరుగుతుండటంతో కొందరు రైతులు కూలీలతో పనులు చేయించేందుకు వెనుకడుగు వేస్తున్నారు .

  24 మందిపై అనుమానాలు.. పాలిగ్రాఫ్ పరీక్షలు.. ఫోరెన్సిక్ విశ్లేషణతో కీలక మలుపు బెంగళూరు ఫోరెన్సిక్ ల్యాబ్ ఆధారాలు.. గుజరాత్ నిపుణుల సహకారంతో దర్యాప్తులో పురోగతి నేరానికి ఉపయోగించినట్లు భావిస్తున్న రెండు కత్తులు, రెక్కీకి వినియోగించిన నాలుగు సెల్‌ఫోన్లు స్వాధీనం ప్రజాపక్షం/ఖమ్మం: ఖమ్మం జిల్లా చింతకాని మండలం పాతర్లపాడు గ్రామానికి చెందిన సామినేని రామారావు హత్య కేసులో సుదీర్ఘ దర్యాప్తు అనంతరం పోలీసులు నలుగురు నిందితులను అరెస్టు చేశారు. 2025 అక్టోబర్ 31న తెల్లవారుజామున తన ఇంటి పక్కనే ఉన్న కొట్టంలో రామారావు దారుణ హత్యకు గురికావడం అప్పట్లో తీవ్ర సంచలనం సృష్టించింది. తొలుత సాధారణ హత్య కేసుగా నమోదైన ఈ ఘటన.. కాలక్రమంలో అనేక అనుమానాలు, ప్రశ్నలు, రాజకీయ చర్చలకు కేంద్రబిందువుగా మారింది. తాజాగా ఫోరెన్సిక్ విశ్లేషణతోపాటు వివిధ ఆధారాలను సమన్వయం చేస్తూ పోలీసులు నిందితులను గుర్తించి గురువారం  అరెస్టు చేయడంతో కేసులో కీలక పరిణామం చోటుచేసుకుంది. ఆది నుంచి అంతుచిక్కని మిస్టరీ.. 2025 అక్టోబర్ 31న తెల్లవారుజామున రామారావు హత్యకు గురైన ఘటనపై ఆయన భార్య ఇచ్చిన ఫిర్యాదు మేరకు చింతకాని పోలీస్ స్టేషన్‌లో హత...

  24 మందిపై అనుమానాలు.. పాలిగ్రాఫ్ పరీక్షలు.. ఫోరెన్సిక్ విశ్లేషణతో కీలక మలుపు బెంగళూరు ఫోరెన్సిక్ ల్యాబ్ ఆధారాలు.. గుజరాత్ నిపుణుల సహకారంతో దర్యాప్తులో పురోగతి నేరానికి ఉపయోగించినట్లు భావిస్తున్న రెండు కత్తులు, రెక్కీకి వినియోగించిన నాలుగు సెల్‌ఫోన్లు స్వాధీనం ప్రజాపక్షం/ఖమ్మం:  ఖమ్మం జిల్లా చింతకాని మండలం పాతర్లపాడు గ్రామానికి చెందిన సామినేని రామారావు హత్య కేసులో సుదీర్ఘ దర్యాప్తు అనంతరం పోలీసులు నలుగురు నిందితులను అరెస్టు చేశారు. 2025 అక్టోబర్ 31న తెల్లవారుజామున తన ఇంటి పక్కనే ఉన్న కొట్టంలో రామారావు దారుణ హత్యకు గురికావడం అప్పట్లో తీవ్ర సంచలనం సృష్టించింది. తొలుత సాధారణ హత్య కేసుగా నమోదైన ఈ ఘటన.. కాలక్రమంలో అనేక అనుమానాలు, ప్రశ్నలు, రాజకీయ చర్చలకు కేంద్రబిందువుగా మారింది. తాజాగా ఫోరెన్సిక్ విశ్లేషణతోపాటు వివిధ ఆధారాలను సమన్వయం చేస్తూ పోలీసులు నిందితులను గుర్తించి గురువారం తమ్ముడు తీసుకురా పో నాన్న అరెస్టు చేయడంతో కేసులో కీలక పరిణామం చోటుచేసుకుంది. ఆది నుంచి అంతుచిక్కని మిస్టరీ.. 2025 అక్టోబర్ 31న తెల్లవారుజామున రామారావు హత్యకు గురైన ఘటనపై ఆయన భార్య ఇచ్చిన ఫిర్యాదు మేరకు చి...

  నీటి సంరక్షణపై నిర్లక్ష్యం వద్దు.. చిరుధాన్యాల సాగుపై దృష్టి సారించాలి: జిల్లా కలెక్టర్ దివాకర టిఎస్ ప్రజాపక్షం/ఖమ్మం రూరల్: ఎల్‌నినో ప్రభావాల నేపథ్యంలో ప్రజలు అప్రమత్తంగా ఉండాలని, నీటి వినియోగంలో జాగ్రత్తలు పాటిస్తూ ప్రతి నీటి చుక్కను సంరక్షించుకోవాలని జిల్లా కలెక్టర్ సూచించారు. ఖమ్మం రూరల్ మండలం చింతపల్లి గ్రామ పంచాయతీలో నిర్వహించిన ఎల్‌నినో అవగాహన గ్రామసభకు హాజరైన ఆయన ప్రజలతో నేరుగా మాట్లాడి నీటి సంరక్షణ, చిరుధాన్యాల సాగు ప్రాధాన్యతను వివరించారు.వాతావరణ పరిస్థితులకు అనుగుణంగా వ్యవసాయ పద్ధతులను అనుసరించాలని, నీటి లభ్యతను దృష్టిలో ఉంచుకుని పంటల సాగుపై నిర్ణయాలు తీసుకోవాలని అవగాహన కల్పించారు. నీటి వృథాను అరికట్టడంతో పాటు భవిష్యత్తులో ఎదురయ్యే నీటి ఎద్దడి పరిస్థితులను దృష్టిలో ఉంచుకుని ముందస్తు జాగ్రత్తలు తీసుకోవాల్సిన అవసరాన్ని వివరించారు. చిరుధాన్యాల సాగుపై దృష్టి సారించాలి మారుతున్న వాతావరణ పరిస్థితులకు అనుగుణంగా పంటల ఎంపికలో రైతులు తగిన జాగ్రత్తలు తీసుకోవాల్సిన అవసరం ఉందని కలెక్టర్ వివరించారు. తక్కువ నీటితో సాగు చేసేందుకు అనువైన చిరుధాన్యాల పంటలపై అవగాహన పెంచుకోవాలని, స్థానిక ...

    ప్రజాపక్షం వరుస కథనాలతో కదలిక కార్యాలయ వ్యవహారాలపై కాంట్రాక్టర్ల ఫిర్యాదు.. అధికారులతో అత్యవసర సమావేశం! ప్రజాపక్షం/ఖమ్మం రూరల్: ఖమ్మం జిల్లా ఆర్టీఓ కార్యాలయంలో కొనసాగుతున్న అవినీతి వ్యవహారాలపై ప్రజాపక్షం వరుస కథనాలు ప్రచురిస్తున్న నేపథ్యంలో సంబంధిత అధికార యంత్రాంగంలో కదలిక మొదలైనట్లు సమాచారం. కార్యాలయ వ్యవహారాలపై కాంట్రాక్టర్లు మంత్రి పొంగులేటి శ్రీనివాస్ రెడ్డి దృష్టికి ఫిర్యాదులు తీసుకెళ్లినట్లు తెలిసింది. ఈ ఫిర్యాదుల నేపథ్యంలో మంత్రి సంబంధిత డీటీఓపై ఆగ్రహం వ్యక్తం చేసినట్లు సమాచారం వెలువడటం ప్రాధాన్యం సంతరించుకుంది. ఇప్పటికే మూడు రోజులుగా ప్రచురితమవుతున్న కథనాలు, తాజాగా వెలుగులోకి వచ్చిన పరిణామాలతో ఆర్టీఓ కార్యాలయ వ్యవహారాలు చర్చనీయాంశంగా మారాయి. ఈ నేపథ్యంలోనే బుధవారం అధికారులు అత్యవసర సమావేశం ఏర్పాటు చేసుకోవడం ప్రాధాన్యతను సంతరించుకుంది. మంత్రి స్పందనతో అధికారుల్లో కదలిక? కాంట్రాక్టర్ల నుంచి వచ్చిన ఫిర్యాదులపై మంత్రి పొంగులేటి సీరియస్‌గా స్పందించి సంబంధిత డీటీఓను పిలిపించి మందలించినట్లు సమాచారం. అనంతరం డీటీవో బుధవారం సాయంత్రం కార్యాలయంలో అధికారులతో అత్యవసర సమావేశం నిర...

  రైతులు, ప్రజలకు విద్యుత్‌ శాఖ ఏఈ జి. రవి సూచన ప్రజాపక్షం/నేలకొండపల్లి: ఆర్నాబ్‌ తుఫాన్‌ ప్రభావంతో వర్షాలు, ఈదురుగాలులు వీచే అవకాశం ఉన్న నేపథ్యంలో రైతులు, ప్రజలు విద్యుత్‌ ప్రమాదాల పట్ల అప్రమత్తంగా ఉండాలని నేలకొండపల్లి విద్యుత్‌ శాఖ ఏఈ జి. రవి సూచించారు. బుధవారం మండల కేంద్రంలోని విద్యుత్‌ శాఖ కార్యాలయంలో నిర్వహించిన విలేకరుల సమావేశంలో ఆయన మాట్లాడారు. వ్యవసాయ పొలాల్లో విద్యుత్‌ వైర్లు తెగిపడితే వాటిని తాకకుండా వెంటనే విద్యుత్‌ సిబ్బందికి సమాచారం అందించాలని కోరారు. తడి చేతులతో మోటారు స్విచ్‌ బోర్డులను తాకరాదని, విద్యుత్‌ స్తంభాలు, సపోర్ట్‌ వైర్లకు పశువులను కట్టవద్దని సూచించారు. కాలం చెల్లిన, జాయింట్లు ఉన్న సర్వీస్‌ వైర్లను వెంటనే మార్చుకోవాలని తెలిపారు. విద్యుత్‌ తీగలపై చెట్ల కొమ్మలు పడినప్పుడు సిబ్బందికి తెలియజేయాలన్నారు. ట్రాన్స్‌ఫార్మర్ల వద్ద ఫ్యూజులు కాలిపోయినా, ఇతర సమస్యలు తలెత్తినా రైతులు స్వయంగా స్తంభాలు, ట్రాన్స్‌ఫార్మర్లు ఎక్కరాదని స్పష్టం చేశారు. ప్రమాదాలను నివారించేందుకు విద్యుత్‌ శాఖ సిబ్బందికి సమాచారం అందించి సహకరించాలని కోరారు. విద్యుత్‌ సమస్యలుంటే 87124 83652 నంబర్‌కు...

  ప్రజాపక్షం/నేలకొండపల్లి:  రాష్ట్ర రెవిన్యూ, గృహ నిర్మాణ, సమాచార శాఖ మంత్రి పొంగులేటి శ్రీనివాసరెడ్డి పుట్టిన రోజు సందర్భంగా పాలేరు నియోజకవర్గం అంతా విన్నూతంగా మంత్రికి శుభాకాంక్షలు తెలిపారు. తెలంగాణ లో ప్రభుత్వం అధికారంలోకి వచ్చిన తరువాత చేపట్టిన అభివృద్ధి కార్యక్రమాలు, సంక్షేమ పధకాల గురించి వివరిస్తూ...మంత్రి శ్రీనివాసరెడ్డి కి శుభాకాంక్షలు తెలిపారు. నియోజకవర్గం వ్యాప్తంగా ప్రతీ గ్రామంలో పెద్ద ఎత్తున ప్లెక్సీలు ఏర్పాటు చేశారు. గ్రామాలలో ఏర్పాటు చేసిన ప్లెక్సీలను ఆసక్తిగా తిలకిస్తున్నారు. మండలం లోని గువ్వలగూడెం లో మార్కెట్ కమిటి మాజీ చైర్మన్ శాఖమూరి రమేష్ ఆధ్వర్యంలో ప్లెక్సీ వద్దనే మంత్రి పుట్టిన రోజు వేడుకలు నిర్వహించారు. భైరవునిపల్లి గ్రామంలో సర్పంచ్ గూండపనేని లక్ష్మణరావు ఆధ్వర్యంలో ఫ్లెక్సీ వద్ద నే మంత్రి పొంగులేటి శ్రీనివాసరెడ్డి పుట్టినరోజు వేడుకలు నిర్వహించారు.

  ప్రజా పక్షం/ వైరా: తెలంగాణ రాష్ట్ర రెవెన్యూ, హౌసింగ్, సమాచార మరియు పౌర సంబంధాల శాఖల మంత్రి శ్రీ పొంగులేటి శ్రీనివాసరెడ్డి గారి జన్మదినాన్ని పురస్కరించుకుని, వైరా నియోజకవర్గ యూత్ కాంగ్రెస్ అధ్యక్షులు గరిడేపల్లి కిషోర్ గారి ఆధ్వర్యంలో జన్మదిన వేడుకలను ఘనంగా నిర్వహించారు.ఈ సందర్భంగా ముఖ్య అతిథులుగా విచ్చేసిన తెలంగాణ రాష్ట్ర మాజీ మార్క్‌ఫెడ్ వైస్ చైర్మన్ బొర్రా రాజశేఖర్ గారు, టీపీసీసీ ప్రధాన కార్యదర్శి కట్ల రంగారావు గారు, వైరా మున్సిపాలిటీ మాజీ చైర్మన్ సూతకాని జైపాల్ గారు, జిల్లా కాంగ్రెస్ నాయకులు మట్టపల్లి నాగి గారు, పట్టణ కాంగ్రెస్ అధ్యక్షులు వీరంసెట్టి సీతారాములు గారు పాల్గొని కేక్ కట్ చేసి మంత్రి పొంగులేటి శ్రీనివాసరెడ్డి గారికి జన్మదిన శుభాకాంక్షలు తెలియజేశారు.ఈ కార్యక్రమంలో 14వ వార్డు కౌన్సిలర్ ధీరావత్ వెంకటేశ్వర్లు, 1వ వార్డు కౌన్సిలర్ మోరు శ్రీకాంత్, 20వ వార్డు మాజీ కౌన్సిలర్ గుగులోత్ లక్ష్మీబాయి, జాలాది రామకృష్ణ, రేచర్ల సత్యం, పర్స రవి,తెలంగాణ ఎన్‌ఎస్‌యూఐ జాయింట్ సెక్రటరీ వేముల శ్రీనాథ్, బుడిగి వెంకన్న, మోదుగు లక్ష్మయ్య,పమ్మిదాసు,జీవరత్నం,రామకృష్ణ,హనుమ,వెంకట్ ఎధునూరి శ్రీను ...

  కేక్ కట్ చేసి శుభాకాంక్షలు తెలిపిన కాంగ్రెస్ నేత  ప్రజాపక్షం/ఖమ్మం రూరల్: ఏదులాపురం మున్సిపాలిటీ 17వ డివిజన్‌లో కాంగ్రెస్ సీనియర్ నాయకుడు అంబటి సుబ్బారావు నివాసంలో బుధవారం రాష్ట్ర మంత్రి పొంగులేటి శ్రీనివాసరెడ్డి జన్మదిన వేడుకలు ఘనంగా నిర్వహించారు. ఈ సందర్భంగా అంబటి సుబ్బారావు కేక్ కట్ చేసి అక్కడికి వచ్చిన వారికి పంపిణీ చేస్తూ సంబరంగా జరిపారు.ఈ సందర్భంగా అంబటి సుబ్బారావు మాట్లాడుతూ... మంత్రి పొంగులేటి శ్రీనివాసరెడ్డి మరిన్ని పుట్టినరోజులు జరుపుకోవాలని, భవిష్యత్తులో ఉన్నత పదవులు చేపట్టాలని ఆకాంక్షించారు. మంత్రి పదవి చేపట్టిన తర్వాత పాలేరు నియోజకవర్గంతో పాటు ఏదులాపురం మున్సిపాలిటీలో అభివృద్ధి కార్యక్రమాలు ముంబరంగ కొనసాగుతున్నాయని తెలిపారు.ఈ కార్యక్రమంలో కాంగ్రెస్ యువజన నాయకుడు అంబటి ఈశ్వర్, కాంగ్రెస్ నాయకులు రాజేష్, సప్పిడి ప్రభాకర్, అంబటి ఉపేందర్, అంబటి బ్రదర్స్ పాల్గొన్నారు.

  ఖమ్మం రూరల్, ఏదులాపురంలో మంత్రి పొంగులేటి జన్మదిన వేడుకలను కేక్ కట్ చేసి సెలబ్రేషన్స్ మారెమ్మ గుడిలో  ఖమ్మం రూరల్ మండలం కాంగ్రెస్ శ్రేణుల ప్రత్యేక పూజలు.. ప్రజాపక్షం/ఖమ్మంరూరల్: ఎల్ నీ నో ఎఫెక్ట్తో తీవ్ర ప్రతికూల వర్షాభావ పరిస్థితులు నెలకొన్నాయి. ఈ నేపథ్యంలో ఆర్నాబ్ తుఫాన్ వేల రాష్ట్ర రెవెన్యూ, గృహ నిర్మాణ, సమాచార శాఖ మంత్రి, పాలేరు ఎమ్మెల్యే పొంగులేటి శ్రీనివాస్ రెడ్డి జన్మదిన వేడుకలు బుధవారం ఖమ్మం రూరల్ మండలంతో పాటు ఏదులాపురం మున్సిపాలిటీలో బుధవారం ఘనంగా నిర్వహించారు. ఎంతో ప్రాధాన్యం సంతరించుకున్న వేడుకలు తుఫాను ప్రభావంతో వర్షాలు కురుస్తున్న నేపథ్యంలోనూ కాంగ్రెస్ పార్టీ నాయకులు, కార్యకర్తలు ఈ కార్యక్రమాల్లో పాల్గొన్నారు. ఖమ్మం రూరల్ మండల కాంగ్రెస్ అధ్యక్షుడు తోట వీరభద్రం ఆధ్వర్యంలో మారెమ్మ గుడిలో ప్రత్యేక పూజలు నిర్వహించారు. మంత్రి పొంగులేటి శ్రీనివాస్ రెడ్డి ఆయురారోగ్యాలతో ఉండాలని ఆకాంక్షిస్తూ ఆలయంలో పూజలు చేశారు. అనంతరం జన్మదిన వేడుకల్లో పాల్గొని శుభాకాంక్షలు తెలిపారు. ఏదులాపురం మున్సిపాలిటీలో కాంగ్రెస్ అధ్యక్షుడు కిషోర్ ఆధ్వర్యంలో టి.సి.వి. రెడ్డి ఫంక్షన్ హాల్‌లో వేడుకల...

  కూసుమంచి ఎమ్మెల్యే క్యాంపు కార్యాలయంలో ఘనంగా సంబరాలు.. కొనసాగుతున్న రక్తదాన శిబిరం యువత రక్తదానం.. అనంతరం అన్నదాన కార్యక్రమం   ప్రజాపక్షం/కూసుమంచి:  పాలేరు ఎమ్మెల్యే రాష్ట్ర రెవిన్యూ,పౌర సంబంధాలు, గృహ నిర్మాణ శాఖ ల, మంత్రి పొంగులేటి శ్రీనివాసరెడ్డి జన్మదిన వేడుకలను పురస్కరించుకొని కూసుమంచిలోని పాలేరు ఎమ్మెల్యే క్యాంపు కార్యాలయంలో బుధవారం ఘనంగా వేడుకలు నిర్వహించారు. ప్రజాసేవే లక్ష్యంగా, సేవా కార్యక్రమాలకు ప్రాధాన్యమిస్తూ నిర్వహించిన ఈ వేడుకలు పార్టీ శ్రేణుల్లో ఉత్సాహాన్ని నింపాయి. మంత్రి జన్మదినాన్ని పురస్కరించుకొని రక్తదాన శిబిరం, అన్నదాన కార్యక్రమాలను చేపట్టడం విశేషం. పాలేరు ఎమ్మెల్యే క్యాంపు కార్యాలయ ఇన్‌చార్జి భీమిరెడ్డి శ్రీనివాస్‌రెడ్డి, జిల్లా కాంగ్రెస్ పార్టీ ఉపాధ్యక్షుడు మంకెన వాసు, జిల్లా కాంగ్రెస్ సహాయ కార్యదర్శి ఎండీ హఫీజ్ ఉద్దీన్, మండల కాంగ్రెస్ పార్టీ అధ్యక్షుడు బజ్జూరి వెంకటరెడ్డి ఆధ్వర్యంలో ఈ కార్యక్రమాలు నిర్వహించారు. ఈ సందర్భంగా పార్టీ నాయకులు, కార్యకర్తలు, ప్రజాప్రతినిధులు, యువకులు పెద్ద సంఖ్యలో పాల్గొని మంత్రి పొంగులేటి శ్రీనివాసరెడ్డికి జన్మదిన శుభాక...

  ఖమ్మం రూరల్, ఎదులాపురం వాట్సాప్ గ్రూపులు, స్టేటస్‌లలో బర్త్‌డే విషెస్ ట్రెండింగ్ వరంగల్ క్రాస్‌రోడ్డులో ఆకట్టుకుంటున్న భారీ హోర్డింగులు.. పురవీధుల్లో పండుగ సందడి అభిమానుల నుంచి కార్యకర్తల వరకు.. కాంగ్రెస్ శ్రేణుల నుంచి ప్రజల వరకు వెల్లువెత్తుతున్న జన్మదిన శుభాకాంక్షలు ప్రజాపక్షం/ఖమ్మం రూరల్: ఒక నాయకుడి జన్మదినం అభిమానులకు, కాంగ్రెస్ పార్టీ కార్యకర్తలు, నాయకులకు కేవలం ఓ తేదీ మాత్రమే కాదు.. తమ అభిమానాన్ని చాటుకునే ప్రత్యేక సందర్భం. అదే తరహాలో మంత్రి పొంగులేటి శ్రీనివాసరెడ్డి జన్మదినం ఖమ్మం రూరల్, ఎదులాపురం మున్సిపాలిటీ ప్రాంతాల్లో అభిమానుల ఉత్సాహానికి ప్రతీకగా నిలుస్తోంది. శుభాకాంక్షల సందేశాలు, ఆకర్షణీయమైన హోర్డింగులు, సోషల్ మీడియా పోస్టులతో బుధవారం అంతటా జన్మదిన సందడి నెలకొంది. అభిమానుల ఉత్సాహం, కార్యకర్తల సందడి, నాయకుల శుభాకాంక్షలతో మంత్రి జన్మదిన వేడుకలు ఓ పండుగను తలపిస్తున్నాయి.  రాష్ట్ర రెవెన్యూ, గృహ నిర్మాణ, సమాచార శాఖ మంత్రి పొంగులేటి శ్రీనివాసరెడ్డి జన్మదిన వేడుకలు ఖమ్మం రూరల్ ప్రాంతంలో పండుగ వాతావరణాన్ని తలపిస్తున్నాయి. ప్రజా నాయకుడిగా తనదైన గుర్తింపు సంపాదించుకున్న ప...

  సిపిఐ(ఎం) రాష్ట్ర నాయకురాలు బుగ్గవీటి సరళ  ప్రజాపక్షం/ఖమ్మం రూరల్:  ప్రపంచం కమ్యూనిస్టు వైపు చూస్తుందని, నేటి యువత ఆలోచనలు మార్పుకై మారుతున్నాయని, అందుకే ప్రపంచవ్యాప్తంగా . జెన్.జి ఉద్యమాలలోకి వస్తున్నారని సిపిఐ(ఎం) పార్టీ రాష్ట్ర కమిటీ సభ్యురాలు బుగ్గ వీటి సరళ అన్నారు. వరంగల్ క్రాస్ రోడ్డులోని తమ్మినేని సుబ్బయ్య భవనంలో సీనియర్ నాయకులు నందిగామ కృష్ణ అధ్యక్షతన జరిగిన ఏదులాపురం మున్సిపాలిటీ మరియు ఖమ్మం రూరల్ మండల కమిటీల జనరల్ బాడీ సమావేశానికి ముఖ్య అతిథిగా హాజరైన సందర్భంగా బుగ్గవీటి సరళ మాట్లాడుతూ... ప్రపంచవ్యాప్తంగా యువతలో రాజకీయ చైతన్యం పెరుగుతోంది. నిరుద్యోగం, ఆర్థిక అసమానతలు, పెరుగుతున్న జీవన వ్యయం, విద్యా–ఉపాధి రంగాల్లో ఎదురవుతున్న సమస్యలు యువతను ఉద్యమాల వైపు నడిపిస్తున్నాయి. ప్రస్తుత పాలకుల విధానాలపై ప్రశ్నిస్తూ, సమానత్వం, సామాజిక న్యాయం, ప్రజాస్వామ్య హక్కుల కోసం యువత గొంతెత్తుతోంది. ఈ పరిణామాలు ప్రపంచవ్యాప్తంగా ప్రత్యామ్నాయ రాజకీయాలపై, ముఖ్యంగా కమ్యూనిస్టు సిద్ధాంతాలపై చర్చను మరింత ముందుకు తీసుకెళ్తున్నాయని తెలిపారు. జన్జి ఉద్యమాల్లో యువతుల భాగస్వామ్యం ప్రత్యేక ఆక...

  దోషులను కఠినంగా శిక్షించాలి : సిపిఐ(ఎం) పార్టీ పాలేరు డివిజన్ కార్యదర్శి బండి రమేష్   ప్రజాపక్షం/ఖమ్మం రూరల్:  ఏదులాపురం మున్సిపాలిటీ పరిధిలోని ఏదులాపురంలో ఇంటి ముందు పార్క్ చేసి ఉన్న ఐద్వా మహిళా నాయకురాలు పోతనబోయిన నిర్మల కుమారుడు శ్రీరామ్ ద్విచక్ర వాహనాన్ని సోమవారం రాత్రి గుర్తు తెలియని వ్యక్తులు కాల్చివేశారు.శ్రీరామ్ ఖమ్మం నగరంలోని శివ ఆర్డోపెడిక్ సెంటర్ లో కాంపౌండర్ గా పనిచేస్తున్నాడు.ఎప్పటిలాగానే సోమవారం రాత్రి విధులు ముగించుకుని ఇంటికి వచ్చి ఇంటి ముందు తన ద్విచక్ర వాహనం ( స్కూటీ ) పార్క్ చేసి నిద్రపోయారు.సుమారు రాత్రి 11.30 సమయంలో ఇంటి ఎదురుగా ఉన్నవారు లేచి చూసే సమయానికి వాహనం తగలబడి పోతున్న విషయం గమనించి గట్టిగా కేకలు వేయడంతో బయటికి వచ్చి చూడగా పూర్తిగా దగ్ధమవుతున్న ద్విచక్ర వాహనాన్ని చూసి తీవ్ర దిగ్భ్రాంతి వ్యక్తం చేశారు.విషయం వెంటనే పెట్రోలింగ్ పోలీసులకు సమాచారం అందించగా వారు సంఘటనా స్థలాన్ని చేరుకొని వివరాలు తెలుసుకుని కేసు నమోదు చేసి దర్యాప్తు ప్రారంభించారు.   పోతనబోయిన నిర్మల కుటుంబ సభ్యులను పరామర్శించిన బండి రమేష్  విషయం తెలుసుకున్న సిపిఐ(ఎం...

  ఐదుగురు అరెస్ట్‌.. రిమాండ్‌కు తరలింపు రెండు స్కూటీలు, బైక్‌, సెల్‌ఫోన్‌ స్వాధీనం.. మరొకరు పరార్‌ ప్రజాపక్షం/నేలకొండపల్లి:  గంజాయి వ్యసనానికి బానిసై.. జల్సాల కోసం చోరీలకు పాల్పడుతున్న ఆరుగురు సభ్యుల ముఠాలో ఐదుగురు నేలకొండపల్లి పోలీసులకు చిక్కారు. మరో నిందితుడు పరారయ్యాడు. నిందితుల నుంచి రెండు స్కూటీలు, ఒక మోటార్‌ సైకిల్‌, సెల్‌ఫోన్‌ను పోలీసులు స్వాధీనం చేసుకున్నారు.  నేలకొండపల్లి ఎస్సై పి.శ్రీనివాసరెడ్డి మంగళవారం పోలీస్‌స్టేషన్‌లో వెల్లడించిన వివరాల ప్రకారం.. ముజ్జుగూడెం క్రాస్‌రోడ్డు వద్ద వాహన తనిఖీలు నిర్వహిస్తున్న సమయంలో రెండు స్కూటీలు, ఒక మోటార్‌ సైకిల్‌పై వెళ్తున్న ఆరుగురు పోలీసులను చూసి పారిపోయేందుకు ప్రయత్నించారు. అప్రమత్తమైన పోలీసులు వారిని వెంబడించి ఐదుగురిని అదుపులోకి తీసుకున్నారు.  విచారణలో నిందితులంతా ఖమ్మం పట్టణానికి చెందిన వారని, గంజాయికి అలవాటుపడి ముఠాగా ఏర్పడి చోరీలకు పాల్పడుతున్నట్లు గుర్తించారు. గతంలోనూ వీరిపై చోరీ కేసులు ఉన్నట్లు పోలీసులు తెలిపారు. ఇటీవల ఖమ్మంలో ఒక స్కూటీ, నేలకొండపల్లిలో ఒక మోటార్‌ సైకిల్‌, ఆంధ్రప్రదేశ్‌లోని ఎటపాక మండలంలో మరో స్కూ...

  దివ్యాంగ అభిమాని కల నెరవేర్చిన మాజీ ఎమ్మెల్యే కందాల ఉపేందర్ రెడ్డి కేటీఆర్‌తో ఫొటో దిగాలన్న కోరిక నెరవేరడంతో మురిసిపోయిన అఖిల్ ప్రజాపక్షం/ఖమ్మం రూరల్: అభిమానం అంటే పదవులు, హోదాలతో సంబంధం లేనిది.. మనసులో నుంచి పుట్టే స్వచ్ఛమైన అనుబంధం. అలాంటి అభిమానంతో తనకు ఇష్టమైన నాయకుడు, బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్‌తో ఒక్క ఫొటో దిగాలని ఆశపడిన ఓ దివ్యాంగ అభిమాని కోరిక నెరవేరింది. పాలేరు మాజీ ఎమ్మెల్యే కందాల ఉపేందర్ రెడ్డి చొరవతో ముత్యాలగూడానికి చెందిన అఖిల్ కల సాకారమైంది.  ఖమ్మం రూరల్ మండలం కామంచికల్లు గ్రామపంచాయతీ పరిధిలోని ముత్యాలగూడానికి చెందిన అఖిల్‌కు కేటీఆర్‌ను నేరుగా కలిసి ఫొటో దిగాలనే కోరిక ఉండేది. ఈ విషయాన్ని తెలుసుకున్న మాజీ ఎమ్మెల్యే కందాల ఉపేందర్ రెడ్డి మంగళవారం హైదరాబాద్‌లోని తెలంగాణ భవన్‌లో కేటీఆర్‌తో అఖిల్‌కు ఫొటో దిగే అవకాశం కల్పించారు. తన అభిమాన నాయకుడిని కలుసుకుని ఫొటో దిగడంతో అఖిల్ ఆనందానికి అవధుల్లేకుండా పోయింది. “నాకు ఏమీ వద్దు.. మీరు సీఎం అయితే చాలు!” ఈ సందర్భంగా కేటీఆర్ అఖిల్‌తో ఆప్యాయంగా మాట్లాడారు. “నీకు ఏం కావాలి? ఏం చేయమంటావు?” అని అడగగా.. ...

  ఖమ్మం, కొత్తగూడెం, కూసుమంచిలో రక్తదాన శిబిరాలు.. అన్నదాన కార్యక్రమాలు ఉభయ జిల్లాల్లో సేవా కార్యక్రమాలకు కాంగ్రెస్‌ శ్రేణుల సన్నద్ధం ప్రజాపక్షం/ఖమ్మం రూరల్: రాష్ట్ర రెవెన్యూ, గృహ నిర్మాణం, సమాచార శాఖల మంత్రి పొంగులేటి శ్రీనివాసరెడ్డి జన్మదినోత్సవాన్ని పురస్కరించుకుని ఖమ్మం, భద్రాద్రి కొత్తగూడెం జిల్లాల్లో ఘనంగా వేడుకలు నిర్వహించేందుకు కాంగ్రెస్‌ పార్టీ శ్రేణులు, అభిమానులు ముమ్మర ఏర్పాట్లు చేస్తున్నారు. బుధవారం రెండు జిల్లాల పరిధిలో రక్తదాన శిబిరాలు, అన్నదాన కార్యక్రమాలతో పాటు పలు సేవా కార్యక్రమాలు చేపట్టనున్నారు.  ఇందులో భాగంగా ఖమ్మంలోని మంత్రి క్యాంపు కార్యాలయంలో బుధవారం ఉదయం 8:30 గంటలకు తలసేమియా బాధితుల సహాయార్థం రక్తదాన శిబిరం నిర్వహించనున్నారు. అనంతరం అన్నదాన కార్యక్రమం చేపట్టనున్నారు. అదేవిధంగా కూసుమంచిలోని మంత్రి క్యాంపు కార్యాలయంలో ఉదయం 9:30 గంటలకు రక్తదాన శిబిరం ఏర్పాటు చేయడంతో పాటు అన్నదాన కార్యక్రమం నిర్వహించనున్నారు.  కూసుమంచిలో కాంగ్రెస్‌ పార్టీ ఆధ్వర్యంలో ప్రధాన కూడలి నుంచి బైక్‌ ర్యాలీ నిర్వహించేందుకు కూడా ఏర్పాట్లు పూర్తి చేస్తున్నారు. మంత్రి జన్మదినాన్ని...

  అభిమానానికి రక్తంతో చిత్ర అభిషేకం.. కృతజ్ఞతను చాటుకునేందుకు వినూత్న కానుక ప్రజాపక్షం/ఖమ్మం రూరల్:  అభిమానం అంటే మాటల్లో చెప్పేది కాదు.. మనసులో నుంచి పుట్టేది! ఆపదలో అండగా నిలిచిన వారిపై ప్రేమను, కృతజ్ఞతను చాటుకునేందుకు ఒక్కొక్కరు ఒక్కో మార్గాన్ని ఎంచుకుంటారు. కానీ కొందరి అభిమానం మాత్రం అందరినీ ఆశ్చర్యపరుస్తూ ప్రత్యేకంగా నిలుస్తుంది. తనను ప్రోత్సహించి, తన ఎదుగుదలకు తోడుగా నిలిచిన నాయకుడిపై ఉన్న అభిమానాన్ని రక్తంతో చిత్రాలు గీయించి రాష్ట్ర రెవెన్యూ గృహ నిర్మాణ సమాచార శాఖ మంత్రి పొంగులేటి శ్రీనివాస్ రెడ్డికి బహుకరించడం ద్వారా మరోసారి కృతజ్ఞత చాటుకుంటూ వార్తల్లో నిలిచాడు కాంగ్రెస్ యువజన నాయకుడు ఏనుగు మహేష్ . ఎదులాపురం మున్సిపాలిటీ రెండో వార్డు కౌన్సిలర్ ఏనుగుల స్వరూప తనయుడైన మహేష్ కు తనను రాజకీయంగా ప్రోత్సహించిన మంత్రి పొంగులేటి శ్రీనివాస్ రెడ్డి అంటే ఎంతో అభిమానం. ఈ నేపథ్యంలోనే ఈనెల 28( రేపు) తన అభిమాన నాయకుడి పుట్టినరోజును పురస్కరించుకొని తన రక్తం హైదరాబాదు పంపించి అక్కడి నుంచి ఈసారి ముందస్తుగా కాంగ్రెస్ అగ్రనేత రాహుల్ గాంధీ, సీఎం రేవంత్ రెడ్డి, మంత్రి పొంగులేటి శ్రీనివాస్ రె...